पहिल्या शतकाच्या प्रारंभी रशियात स्लॉव्ह वंशाच्या लोकांची वस्ती होती. स्कँडिनेव्हियातून नॉर्मन लोकही उत्तर रशियात राहावयास आले. शेजारी देश फिनलॅण्डमार्गे हे लोक रशियात आले. फिनलॅण्डचे लोक त्या नॉर्मन टोळ्यांना ‘रस’ असे म्हणत. त्या रस लोकांची वस्ती नंतर पश्चिम रशियात वाढल्यावर त्या प्रदेशाला रशिया असे नाव पडले, असे म्हटले जाते.

इगॉर या आपल्या नवऱ्याला या टोळ्यांनी मारल्याचे दु:ख तिला सतत सलत होते. त्या काळी ड्रेव्हलीन टोळीवाले बांबू व गवताच्या झोपडय़ात राहत. धनुष्यबाण हे त्यांचे शस्त्र. गुरे पाळणे हा व्यवसाय तर चिमण्या व कबुतरे पाळणे हा सर्व टोळीवाल्यांचा शौक होता. या पक्ष्यांना ते सांकेतिक भाषा शिकवीत. हल्ला करावयाच्या वेळी हे पक्षी फार उपयोगी पडत.

नुकतीच राजेपदावर आलेली ओल्गा नवखी म्हणून हाताखालचे लोक जुमानीत नसत. राणीने हुशारीने ड्रेव्हलीन टोळीबरोबर युद्ध न करता तह केला. तहात तिने ड्रेव्हलीन टोळ्यांमधील प्रत्येक घरामागे एक कबूतर व एक चिमणी मागितली. तसे पक्षी मिळाल्यावर रात्री पक्ष्यांच्या पायांना जळते लहान पलिते बांधून पक्ष्यांना उडवून दिले.

जिवाच्या आकांताने ते पक्षी त्यांच्या त्यांच्या बांबू, गवताच्या घरांवर जाऊन फडफडू लागले. ड्रेव्हलीन लोकांना हे काय होतंय हे कळेपर्यंत त्यांची घरे जळून भस्मसात झाली होती. ओल्गा राणीने अशा अभिनव मार्गाने ड्रेव्हलीन लोकांचा सूड घेतला. याच ओल्गा राणीने रशियात प्रथम ख्रिश्चन धर्म स्वीकारला.                       

सुनीत पोतनीस
This e-mail address is being protected from spambots. You need JavaScript enabled to view it